搜尋

「佢有腦退化,到依家都未返……」:一餐飯以外的守護
1天前
讀畢需時 1 分鐘
「阿公一早話出去行吓,到依家都未返嚟……」飯友卿婆婆聲音發抖:「佢有腦退化,平時脾氣又急,身上冇帶手機同鎖匙,我真係好驚……」
婆婆心急如焚,慌亂之中,第一時間諗起嘅,就係最熟悉嘅《銀杏館》。
同事一邊安撫婆婆,一邊記低伯伯嘅相片、衣著特徵同常去地方,隨即通知其他同事幫手留意,並準備陪婆婆報案同出去尋找。
「婆婆,唔使驚,我哋會幫手留意。妳先返屋企睇吓,如果伯伯仲未返嚟,我哋就陪妳一齊去報警。」
到咗約定時間,同事即刻致電婆婆。電話另一邊,終於傳來佢如釋重負嘅聲音:「返咗嚟喇!佢自己行返嚟!多謝你哋關心呀……」聽到伯伯平安,大家都放低心頭大石。
從某時開始,愛心福飯不再只是一餐溫飽,更是一些長者心中的依靠。每日取飯時嘅一句問候、一次見面,讓我哋有機會留意長者嘅身心狀況;當遇到突發事情,佢哋亦知道有一個地方可以求助。
38 元,送出嘅唔只係一餐飯、一碗湯,更讓長者知道,遇到困難時,身邊始終有人記掛、有人支援。
支持認購 LOVE Project 愛心福飯:www.love.org.hk 查詢:2516 5116










































